ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 23/10/2017 ເວລາ 15:17 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 23/10/2017ເວລາ 12:55 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ພິທີເຊັນສັນຍາບໍລິການປິ່່ນປົວສຸຂະພາບ ພາຍໃຕ້ລະບົບປະກັນສັງຄົມ ລະຫວ່າງ ຫກປຊ ກັບບັນດາໂຮງໝໍແຂວງທົ່ວປະເທດ

alt

ໃນລະຫວ່າງວັນທີ 12-13 ພະຈິກ 2015 ໄດ້ມີກອງປະຊຸມຖອດຖອນບົດຮຽນ ແລະ ພິທີເຊັນສັນຍາກ່ຽວກັບການສະ ໜອງບໍລິການປິ່ນປົວສຸຂະພາບພາຍໃຕ້ລະບົບປະກັນສັງ ຄົມ ລະຫວ່າງຫ້ອງການກອງທຶນປະກັນສັງຄົມແຫ່ງຊາດແລະ ບັນດາໂຮງໝໍແຂວງທົ່ວປະເທດ.

ໂດຍການເປັນປະທານຮ່ວມລະຫວ່າງທ່ານ ດຣ. ຢ່າງກູ້ ຢ່າງລືໄຊ ຫົວໜ້າກົມປະກັນສັງຄົມ, ກະຊວງແຮງງານ ແລະ ສະຫວັດດີການສັງຄົມ ແລະທ່ານ ຮສ.ດຣ ຈັນພົມມາ ວົງສຳພັນ ຫົວໜ້າກົມປິ່ນປົວ, ກະຊວງສາທາລະນະສຸກ. ມີບັນດາ ຄະນະພະແນກສາທາລະນະສຸກແຂວງ, ຄະນະພະແນກແຮງງານ ແລະສະຫວັດດີການສັງຄົມແຂວງ, ຄະນະອຳນວຍການ ຫ້ອງການກອງທຶນປະກັນສັງຄົມແຫ່ງຊາດ, ຄະນະອຳນວຍການໂຮງໝໍແຂວງ ແລະ ວິຊາການກ່ຽວຂ້ອງຂອງແຕ່ລະພາກສ່ວນເຂົ້າຮ່ວມ ລວມທັງໝົດ 160 ຄົນ. ກອງປະຊຸມໄດ້ດຳເນີນໄປດ້ວຍການຍົກບັນຫາກ່ຽວກັບການສະໜອງການປິ່ນປົວສຸຂະພາບພາຍໃຕ້ລະບົບປະກັນສັງຄົມ ເພື່ອມາແລກປ່ຽນ ແລະ ຖອດຖອນບົດຮຽນນຳກັນ ເພື່ອຄວາມ​ເປັນເອກະພາບໃນການຈັດຕັ້ງປະຕິບັດ ແລະ ຮັບປະກັນໃນການສະໜອງບໍລິການຢ່າງມີຄຸນນະພາບ. ນອກຈາກນີ້ ກອງປະຊຸມຍັງໄດ້ມີການຜ່ານຮ່າງເນື້ອໃນ ແລະ ເຊັນສັນຍາການໃຫ້ບໍລິການທາງດ້ານການແພດ ແກ່ຜູ້ປະກັນຕົນ ແລະ ຜູ້ເກີດສິດປິ່ນປົວຂອງລະບົບປະກັນສັງຄົມ. ການເຊັນສັນຍາລະຫວ່າງຫ້ອງການກອງທຶນປະກັນສັງຄົມແຫ່ງຊາດ ແລະບັນດາໂຮງໝໍແຂວງໃນຄັ້ງນີ້ ກໍແມ່ນເພື່ອເປັນການສືບຕໍ່ໃນການບໍລິການປິ່ນປົວສຸຂະພາບ ແກ່ສະມາຊິກທັງພາກລັດ, ພາກວິສາຫະກິດ ​ແລະ ຜູ້​ປະກັນ​ຕົນ​ແບບ​ສະໝັກ​ໃຈ ພາຍ​ໃຕ້​ລະບົບ​ປະກັນ​ສັງຄົມ. ສັນຍາ​ໃໝ່​ຄັ້ງ​ນີ້ ​ແມ່ນ​ໄດ້​ມີ​ການ​ປັບ​ປຸງ​ຫຼາຍ​ດ້ານ​ ​​ໂດຍ​ສະ​ເພາະ​ໄດ້​ມີ​ການ​ປັບປຸງ​ອັດຕາ​ມອບ​ເໝົາ​ໃໝ່​ເພີ່ມ​ຂຶ້ນ ​ເພື່ອ​ໃຫ້​ແທດ​ເໝາະ​ກັບ​ພື້ນຖານ​ຂອງ​ການ​ສຶກສາ​ຕົ້ນ​ທຶນ​ປິ່ນປົວ​ຕົວ​ຈິງ, ​ເຊິ່ງການສຶກສາຕົ້ນທຶນດັ່ງກ່າວແມ່ນນຳໃຊ້ເຕັກນິກຂອງສາກົນ ຊຶ່ງໄດ້ຮັບການຊ່ວຍເຫຼືອ ແລະ ປຶກສາຂອງຊ່ຽວຊານອົງການແຮງງານສາກົນ (ILO) ແລະ ອົງການອານາໄມໂລກ ພາຍຫຼັງໄດ້ຮັບຮອງອັດຕາຕົ້ນທຶນປິ່ນປົວແບບມອບເໝົາແລ້ວ ກະຊວງ ຮສສ ກໍໄດ້ຈັດປະຊຸມກັບພາກສ່ວນຕ່າງໆຫຼາຍຄັ້ງ ເພື່ອຄົ້ນຄວ້າວິທີແລະຮູບແບບການຈ່າຍເງິນມອບເໝົາໃຫ້ແກ່ບັນດາໂຮງໝໍຄູ່ສັນຍາ. ການນຳຂອງສອງກະຊວງໄດ້ເອກະ ພາບກັນຮັບຮອງເອົາອັດຕາມອບເໝົາສະເລ່ຍຂັ້ນສູນກາງ ແລະ ຂັ້ນແຂວງ, ເຊິ່ງກໍໄດ້ມີການເຊັນສັນຍາ ແລະ ເລີ່ມປະຕິບັດມາແຕ່ວັນທີ 1 ຕຸລາ 2015. ຮັບຮອງຕົ້ນທຶນປິ່ນປົວສຸຂະພາບໃນອັດຕາສະເລ່ຍ 130.000 ກີບ/ຄົນ/ປີ ໂດຍກຳນົດອັດຕາມອບເໝົາແຕ່ລະຂັ້ນ ເຊັ່ນ: ອັດຕາເງິນມອບເໝົາ ສຳລັບໂຮງໝໍສູນກາງ 125.000 ກີບ/ຄົນ/ປີ ແລະ ໂຮງໝໍແຂວງ 105.000 ກີບ/ຄົນ/ປີ ແລະ ​ໄດ້​ສະໜອງ​ເພີ່ມ​ຕື່ມ​ບາງ​ກໍລະນີ​ພະຍາດ​ຊ້ຳ​ເຮື້ອ ​ແລະກໍລະນີ​ທີ່​ມີຄ່າ​ໃຊ້​ຈ່າຍ​ສູງ​ຕື່ມ. ນອກຈາກ​ນີ້​ ສັນຍາ​ກໍ​ຍັງ​ໄດ້​ກຳນົດ​ບາງ​ລາຍການ​ຍົກ​ເວັ້ນ ທີ່​ລະບົບ​ປະກັນ​ສັງຄົມ​ຍັງ​ບໍ່​ທັນ​ໄດ້​ໃຫ້ການ​ຄຸ້ມ​ຄອງ.

ອຸດໜູນປິ່ນປົວສຸຸຂະພາບ ແມ່ນໜຶ່ງໃນບັນດາ 8 ການອຸດໜູນຕາມກົດໝາຍປະກັນສັງຄົມ ທີ່ ຫກປຊ ໃຫ້ການຄຸ້ມຄອງແກ່ສະມາຊິກ ຊຶ່ງຫ້ອງການກອງທຶນປະກັນສັງຄົມແຫ່ງຊາດ ໂດຍໄດ້ເຊັນສັນຍາການບໍລິການປິ່ນປົວກັບບັນດາໂຮງໝໍຄູ່ສັນຍາ ເປັນຜູ້ສະໜອງການບໍລິການອຸດໜູນດັງກ່າວແທນ ການຈັດ​ຕັ້ງ​ປະຕິບັດ​ຜ່ານ​ມາ​ການ​ສະໜອງ​ອຸດ​ໜູນ​ປິ່ນປົວ​ສຸຂະພາບ ​ແມ່ນ​ໄດ້​ເຊັນ​ສັນຍາ​ການ​ສະໜອງ​ການ​ບໍລິການ​ປິ່ນ​ປົວ​ຜ່ານ​ສອງ​ລະບົບ​ຄື: ອົງການ​ປະກັນ​ສັງຄົມພາກ​ວິ​ສາ​ຫະກິດ (ອປສ) ​ແລະ ອົງການ​ປະກັນ​ສັງຄົມ​ແຫ່ງ​ລັດ (ອປລ). ຜ່ານໄລຍະການຈັດຕັ້ງປະຕິບັດສັນຍາ​ການ​ສະໜອງ​ການ​ບໍລິການ​ປິ່ນປົວ​ສຸຂະພາບ ທັງ​ສອງ​ຝ່າຍ​ກໍ​ໄດ້​ພະຍາຍາມ​ປັບປຸງ ​ແລະ ພັດທະນາ​ຢ່າງ​ຕໍ່​ເນື່ອງ ​ໂດຍ​ມີ​ການ​ຖອດ​ຖອນ​ບົດຮຽນ ​ແລະ ​ເຊັນ​ສັນຍາ​ເປັນ​ແຕ່ລະ​ປີ.