ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 23/10/2017 ເວລາ 15:17 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 23/10/2017ເວລາ 12:55 ສຳລັບພາກລັດ ອັບເດດ ອາທິດລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ກອງປະຊຸມສະພາບໍລິຫານ ກອງທຶນປະກັນສັງຄົມແຫ່ງຊາດ

alt
ໃນຕອນເຊົ້າຂອງວັນທີ 16 ຕຸລາ 2015 ​ກອງ​ທຶນ​ປະກັນ​ສັງຄົມ​ແຫ່ງ​ຊາດ (ກປຊ) ໄດ້ຈັດກອງ ປະຊຸມສະພາບໍລິຫານຂອງ​ຕົນຂຶ້ນທີ່ເຮືອນຮັບແຂກກະຊວງ ແຮງງານ ແລະ ສະຫວັດດີການສັງຄົມ ພາຍໃຕ້ການເປັນປະທານຂອງ

ທ່ານ ດຣ. ຄຳແພງ ໄຊສົມແພງ ລັດຖະມົນຕີວ່າການກະຊວງ ແຮງງານ ແລະ ສະຫວັດດີການສັງຄົມ, ປະທານສະພາບໍລິ  ຫານ ກອງທຶນປະກັນສັງຄົມແຫ່ງຊາດ ເຂົ້າຮ່ວມກອງປະຊຸມໃນຄັ້ງນີ້ມີຮອງປະທານ, ຄະນະກຳມະການສະພາບໍລິຫານ, ຄະນະອຳນວຍ ການ ແລະ ບັນດາພະແນກການທີ່ກ່ຽວຂ້ອງຂອງຫ້ອງການກອງທຶນປະກັນສັງຄົມແຫ່ງຊາດ ເຂົ້າຮ່ວມຢ່າງພ້ອມພຽງ.

ກອງປະຊຸມສະພາບໍລິຫານກອງທຶນປະກັນສັງຄົມແຫ່ງຊາດຄັ້ງນີ້ ເປັນຄັ້ງທີ 3 ນັບແຕ່ການສ້າງຕັ້ງເປັນກອງທຶນ ປະກັນສັງຄົມແຫ່ງຊາດໃນ ທ້າຍປີ 2014. ຈຸດປະສົງຂອງກອງປະຊຸມໃນຄັ້ງນີ້ ແມ່ນເພື່ອທົບທວນຄືນໃນການປະຕິບັດວຽກງານປະກັນສັງຄົມໃນໄລຍະຜ່ານມາ ພ້ອມທັງ ຈະໄດ້ພິຈາລະນາ ແລະ ຮັບຮອງເອົາບາງບັນຫາສຳຄັນຂອງກອງ​ທຶນ​ປະກັນ​ສັງຄົມ​ແຫ່ງ​ຊາດຕື່ມອີກ.

ພາຍຫຼັງປະທານກອງປະຊຸມກ່າວເປີດພິທີ ທ່ານ ບຸນຍອດ ຈັນທະວອນ ຮອງຜູ້ອຳນວຍການຫ້ອງ ການປະກັນສັງຄົມແຫ່ງຊາດ ໄດ້ກ່າວລາຍງານກ່ຽວກັບສະພາບການຈັດຕັ້ງປະຕິບັດວຽກງານ ປະຈໍາສົກປີ 2014-2015 ແລະ ຜ່ານທິດທາງແຜນການ ປະຈໍາສົກປີ 2015-2016 ຂອງຫ້ອງການກອງທຶນປະກັນສັງຄົມແຫ່ງຊາດ, ຊຶ່ງທ່ານໄດ້ ລາຍງານໃຫ້ຮູ້ວ່າ: ໃນສົກປີທີ່ຜ່ານມາ ຫກປຊ ໄດ້ຈັດກອງປະຊຸມ ໃຫ້ກັບບັນດາຫົວໜ່ວຍວິສາຫະກິດຕ່າງໆ ໄດ້ທັງໝົດ 5 ຄັ້ງ, ມີຜູ້ເຂົ້າຮ່ວມ 330 ຄົນ, ລົງປະຊາສຳພັນເຖິງຫົວໜ່ວຍແຮງງານໄດ້ 816 ຄັ້ງ, ມີຜູ້ອອກແຮງງານ 48.235 ຄົນ ທຽບໃສ່ແຜນການປະຕິບັດໄດ້ 108% ແລະ ໄດ້ສືບຕໍ່ປະຊາສໍາພັນທາງສື່ມວນຊົນຂະແໜງການຕ່າງໆ ຕາມ ເນື້ອໃນກົດໝາຍວ່າດ້ວຍການປະກັນສັງຄົມ ໃຫ້ແກ່ບັນດາກຸ່ມເປົ້າໝາຍໄດ້ເຂົ້າໃຈຢ່າງຖືືກຕ້ອງ ໂດຍສະເພາະແມ່ນສິດຜົນປະໂຫຍດທີ່ຈະໄດ້ ຮັບຈາກການເຂົ້າເປັນສະມາຊິກ ປະກັນສັງຄົມ.ໃນສົກປີ 2014-2015 ສາມາດ ຂຶ້ນທະບຽນໃຫ້ກັບຫົວໜ່ວຍແຮງງານໃໝ່ໄດ້ 171 ຫົວໜ່ວຍ ເທົ່າກັບ 47% ແລະ ມີຜູ້ອອກແຮງງານເຂົ້າໃໝ່ 33.076 ຄົນ ເທົ່າກັບ 101% ຂອງແຜນການປີ. ໃນນີ້ມີຜູ້ປະກອບອາຊີບອິດສະຫຼະ, ຜູ້ສະ ໝັກໃຈມາເຂົ້າໃໝ່ 1209 ຄົນ ເທົ່າກັບ 120% ແລະ ໄດ້ພິມບັດປະກັນສັງຄົມໃຫ້ແກ່ຜູ້ປະກັນຕົນທົ່ວປະເທດໄດ້ 73.619 ບັດ. ມີຜູ້ປະກັນຕົນ ທີ່ໄດ້ຈ່າຍເງິນສົມທົບທັງໝົດ 254.478 ຄົນ. ໃນນີ້ ມີຜູ້ປະກັນຕົນພາກລັດ 169.468 ຄົນ, ພາກວິສາຫະກິດ 82.568 ຄົນ, ຜູ້ປະກອບອາ ຊີບສ່ວນບຸກຄົນ ແລະ ຜູ້ສະໝັກໃຈ 2.442 ຄົນ. ປັດຈຸບັນມີຫົວໜ່ວຍແຮງງານພາກວິສາຫະກິດ ທີ່ເຂົ້າເປັນສະມາຊິກປະກັນສັງຄົມ ແລະ ຈ່າຍເງິນສົມທົບ 1.475 ຫົວໜ່ວຍ.ສຳລັບວຽກງານອຸດໜູນແມ່ນໄດ້ປັບປຸງ ການສະໜອງອຸດໜູນໃຫ້ດີຂຶ້ນ ໂດຍສະເພາະການເບີກຈ່າຍເງິນອຸດ ໜູນບຳນານ, ເສຍອົງຄະຜ່ານລະບົບ ATM ໃນຂອບເຂດທົ່ວປະເທດສໍາເລັດ, ດໍາເນີນການພິຈາລະນາ ແລະ ຄິດໄລ່ເງິນອຸດໜູນຕ່າງໆ ທັງ ໝົດ 67.492 ຄົນ. ໃນນີ້ ພາກລັດ 60.731 ຄົນ, ພາກວິສາຫະກິດ 6.761 ຄົນ. ປັດຈຸບັນມີຜູ້ເກີດສິດປິ່ນປົວຕາມເງື່ອນໄຂທັງພາກລັດ ແລະ ພາກວິສາຫະກິດທັງໝົດ 594.329 ຄົນ. ໃນນີ້ພາກລັດ 413.728 ແລະ ພາກວິສາຫະກິດ 180.601 ຄົນ ແລະ ມີຜູູ້ປະກັນຕົນທີ່ເກີດສິດປິ່ນ ປົວທັງໝົດ 288.936 ຄົນ, ຄູ່ສົມລົດ 118.493ຄົນ ແລະ ລູກ 184.782ຄົນ (ຕົວເລກດັ່ງກ່າວບໍ່ລວມພະນັກງານ ກະຊວງປ້ອງກັນປະເທດ ແລະ ກະຊວງປ້ອງກັນຄວາມສະຫງົບ). ສ່ວນວຽກງານການເງິນ ໃນສົກປີ 2014-2015 ຫກປຊ ສາມາດປະຕິບັດລາຍຮັບລວມທັງພາກລັດ ແລະ ພາກກວິສາຫະກິດໄດ້ທັງໝົດ 1.237 ຕື້ກວ່າກີບ ເທົ່າກັບ62%ແລະລາຍຈ່າຍທັງໝົດ 951ຕື້ກວ່າກີບ ເທົ່າກັບ 90%ຂອງແຜນການ, ແຕ່ໃນນີ້ລາຍຈ່າຍບໍລິຫານ ກປຊ ທົ່ວປະເທດປະຕິບັດພຽງແຕ່ 13 ຕື້ກີບເທົ່າກັບ 55% ຂອງແຜນການປີ, ມີຍອດເຫຼືອໃນປີ 285 ຕື້ກວ່າກີບ, ລວມເງິນສະສົມໃນກອງທຶນ 945 ຕື້ກວ່າກີບ. ນອກ​ນີ້ ກໍ​ຍັງ​ໄດ້​ສະ​ເໜີບັນຫາ​ອື່ນໆ​ເພື່ອ​ໃຫ້​ສະພາ​ບໍລິຫານ​ຮັບຮອງ​ເອົາ.

ຜ່ານການປຶກສາຫາລື ແລະ ປະກອບຄຳຄິດເຫັນຢ່າງກົງ​ໄປ​ກົງ​ມາ​ຂອງ​ບັນດາຜູ້ເຂົ້າຮ່ວມ, ກອງປະຊຸມໄດ້ ຕົກລົງເປັນເອກະພາບກັນ ຮັບຮອງເອົາບາງບັນຫາສຳຄັນ ດັ່ງນີ້:

- ຮັບຮອງເອົາຮ່າງບົດສະຫຼຸບໃນການຈັດຕັ້ງປະຕິບັດວຽກງານ ປະຈຳສົກປີ 2014-2015 ແລະ ຜ່ານທິດທາງ ແຜນການ ສົກປີ 2015-2016 ຂອງກອງທຶນປະກັນສັງຄົມແຫ່ງຊາດ.

- ຮັບຮອງເອົາບົດສະຫຼຸບລາຍຮັບ-ລາຍຈ່າຍ ປະຈຳສົກປີ 2014-2015, ແຜນລາຍຮັບ-ລາຍຈ່າຍ ແລະ ໂຄງການລົງທຶນໃສ່ພື້ນຖານໂຄງລ່າງປະຈຳສົກປີ 2015-2016 ຂອງກອງທຶນປະກັນສັງຄົມແຫ່ງຊາດ.

- ​ເຫັນ​ດີ​ໃຫ້​ມີ​ການ​ແຕ່ງ​ຕັ້ງ​ປ່ຽນ​ແທນ​ ຄະນະ​ກຳມະການ​ສະພາ​ບໍລິຫານ ທີ່ຖືກຍົກຍ້າຍໄປຮັບໜ້າທີ່ໃໝ່ຢູ່ບ່ອນ ອື່ນ.

- ຮັບຮອງກ່ຽວກັບການເຮັດກາປະທັບຂອງສະພາບໍລິຫານກອງທຶນປະກັນສັງຄົມແຫ່ງຊາດ.

- ຮັບຮອງເອົາກາໝາຍ (ໂລໂກ) ແລະ ຄຳຂວັນ (ສະໂລແກນ) ຂອງກອງທຶນປະກັນສັງຄົມແຫ່ງຊາດ. ​