ກວດຂໍ້ມູນຜູ້ເກີດສິດ

ກວດຂໍ້ມູນຜູ້ເກີດສິດ

ປິ່ນປົວຢູ່ໂຮງໝໍ, ພ້ອມຄອບຄົວ

ຕາມເລກລະຫັດບັດປະກັນສັງຄົມ


ຂໍ້ມູນອັບເດດ ວັນທີ 15/01/2018 ເວລາ 

11:32 ສຳລັບພາກວິສະຫະກິດ

ອາທິດລະຄັ້ງ


ຂໍ້ມູນອັບເດດ ວັນທີ 15/01/2018 ເວລາ 

15:06 ສຳລັບພາກລັດ ອາທິດລະຄັ້ງ


ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ຫກປຊ ເຊັນສັນຍາບໍລິການດ້ານການ ແພດກັບບັນດາໂຮງໝໍໃນ ນະຄອນຫລວງວຽງຈັນ

alt
ໃນ​ຕອນ​ແລງ​ຂອງ​ວັນ​ທີ 13 ຕຸລາ 2015 ຢູ່​ທີ່ຫ້ອງ​ປະຊຸມ​ໂຮງ​ແຮມ​ລ້ານ​ຊ້າງ ​ໄດ້​ມີ​ພິທີ​ເຊັນ​ສັນຍາລະຫວ່າງ ຫ້ອງການ​ກອງ​ທຶນ​ປະກັນ​ສັງຄົມ​ແຫ່ງ​ຊາດ ກັບ​ໂຮງໝໍ​ຄູ່​ສັນຍາ, ​ຮ່ວມ​ລົງ​ນາມ​ໂດຍ​ຜູ້ອຳ

ນວຍການ ຫກປຊ, ຄະນະ​ອຳນວຍ​ການ​ໂຮງໝໍ​ສູນ​ກາງ 4 ​ແຫ່ງ ​ແລະ ຄະນະ​ອຳນວຍ​ການ​ໂຮງໝໍ​ເມືອງ 9 ​ເມືອງ. ​ໂດຍ​ການໃຫ້​ກຽດ​ເຂົ້າ​ຮ່ວມ​​ເປັນ​ສັກຂີ​ພິຍານໃນ​ພິທີ​ມີ​ທ່ານ ດຣ. ຄຳ​ແກ້ວ ສານ​ບຸນຄຸນ​ໄຊ ລັດ​ຖະ​ມົນຕີ​ຊ່ວຍ​ວ່າການ​ກະຊວງ ​ແຮງ​ງານ ​ແລະ ສະຫວັດດີ​ການ​ສັງຄົມ, ທ່ານ ຮສ ດຣ. ບຸນ​ກອງ ສີ​ຫາ​ວົງ ລັດຖະມົນຕີ​ຊ່ວຍວ່າການ​ກະຊວງ ສາທາລະນະ​ສຸກ; ຮອງ​ຫົວໜ້າ​ຫ້ອງການກະຊວງ ຮສສ, ຫົວໜ້າ​ກົມ​ປະກັນ​ສັງຄົມ, ຕາງໜ້າ​ກົມ​ປິ່ນປົວ, ຫົວໜ້າ​ພະ​ແນ​ກສາທາລະນະ​ສຸກນະຄອນຫຼວງ, ຕາງໜ້າ​ຫ້ອງການ​ກອງ​ທຶນ​ປະກັນ​ສຸຂະພາບ​ແຫ່ງ​ຊາດ,  ​ແຂກ​ທີ່​ຖືກ​ເຊີນ ​ແລະ ສື່​ມວນ​ຊົນ​ເຂົ້າ​ຮ່ວມ​ຢ່າງ​ພ້ອມພຽງ.

​​ເພື່ອເປັນ​ການ​ຮັບປະກັນ​ໃນ​ການ​ສະໜອງການ​ປິ່ນປົວ​ສຸຂະພາບ ​ແລະ ການ​ບໍລິການ​ທີ່​ມີ​ປະສິດທິພາບ, ປະສິດທິ​ຜົນ​ ​ເພື່ອ​ຮອງ​ຮັບ​ການ​ບໍລິ ການ​ປິ່ນປົວ​ໃຫ້​ກັບຜູ້​ປະກັນ​ຕົນ ​ແລະ ສະມາຊິກ​ຄອບຄົວ​ຕາມ​ລະບົບ​ປະກັນ​ສັງຄົມ. ຫ້ອງການ​ກອງ​ທຶນ​ປະກັນ​ສັງຄົມ​ແຫ່ງ​ຊາດ ​ແລະ ບັນດາ​ໂຮງໝໍ​ຄູ່​ສັນຍາ​ໃນ​ນະ​ຄອນ​ຫຼວງ​ວຽງ​ຈັນ, ຊຶ່ງ​ມີ​ໂຮງໝໍ​ສູນ​ກາງ 4 ​ແຫ່ງ (​​ໂຮງໝໍ ມະ​ໂຫສົດ, ​ເຊ​ດຖາ​ທິຣາດ, ມິດຕະພາບ ​ແລະ ​ໂຮງໝໍ 103) ພ້ອມ​ທັງ 9 ​ໂຮງໝໍ​ເມືອງ​ໃນ​ນ​ະຄອນ​ຫຼວງ​ວຽງ​ຈັນ ​ໄດ້​ເປັນ​ເອກະ​ພາບ​ກັນ​ໃນ​ການ​ກຳນົດ​​ເນື້ອ​​ໃນສັນຍາ​ດັ່ງກ່າວ, ​​ເປັນ​ຕົ້ນ​ແມ່ນການ​ກຳນົດ​ອັດຕາ​ມອບ​ເໝົາ​ໃໝ່​ຊຶ່ງ​ໄດ້​ປັບ​ຈາກ​ອັດຕາ 85,000 ກີບມາ​ເປັນ 125,000 ກີບ/ຄົນ/ປີ; ພ້ອມ​ທັງ​ມີ​ການ​ຈ່າຍ​ເພີ້​ມບາງ​ລາຍການ​ທີ່​ມີຄ່າ​ໃຊ້​ຈ່າຍ​ສູງ​ໃຫ້​ໂຮງໝໍ ຫຼື ຜູ້​ເກີດ​ສິດ​ໃນ​ກໍລະນີ​ມີ​ການ​ປິ່ນ​ປົວ ​ແລະ ຜ່າຕັດດັ່ງ​ນີ້:

- ຜ່າຕັດ​ສະໝອງ​ຈ່າຍ​ເພີ້​ມ 1,500,000 ກີບ/ຄັ້ງ;

- ຜ່າ​ຕັດ​ກະດູກ​ໃສ່​ເຫຼັກ​ຈ່າຍ​ເພີ້​ມ 50% ຂອງ​ມູນ​ຄ່າ​ຜ່າຕັດ/ກໍລະນີ;

- ສ່ອງ CT Scanner, MRI ຫຼື Memorgram ຈ່າຍ​ເພີ້​ມ 50% ຂອງ​ມູນ​ຄ່າ/ຄັ້ງ;

- ກໍລະນີ ຜູ້​ປະກັນ​ຕົນປະສົບ​ອຸປະຕິ​ເຫດ​​ໃນ​ການ​ສັນຈອນດ້ວຍ​ພາຫະນະ​ທີ່​ບໍ່​ມີ​ຄູ່​ກໍລະນີ ຊຶ່ງ​ໄດ້​ນອນ​ໂຮງໝໍ ຈະຈ່າຍ​ເພີ້​ມ​ໃຫ້​ໂຮງໝໍ 1,000,000 ກີບ/ກໍລະນີ;

- ​ຈ່າຍ​ຄ່າເຄມີ​ບຳບັດໃຫ້​ຄົນ​ເຈັບ ​ 6ຄັ້ງ/ປີ​ 50% ບໍ່​ເກີນ 5,000,000 ກີບ/ຄັ້ງ;

- ຈ່າຍ​ຄ່າ​ຟອກ​ໄຂ່ຫຼັງ 5ຄັ້ງ ຫຼື ລ້າງ​ໄຂ່​ຫຼັງ​ໃຫ້​ໂຮງໝໍ ຫຼື ຄົນ​ເຈັບ​ໃນ​ວົງ​ເງິນ​ບໍ່​ເກີນ 4,000,000 ກີບ/ກໍລະນີ;

- ຈ່າຍ​ເພີ້​ມຄ່າ​ປິ່ນປົວ​ພະຍາດ​ຊ້ຳ​ເຮື້ອ​ທີ່​ມີ​ຄວາມ​ສ່ຽງ​ໃນ​ອັດຕາ 10,000 ກີບ/ຄົນ/ປີ.

ໃນ​ຕອນ​ທ້າຍ​ຂອງພິທີ​ຄະນະ​ອຳນວຍການ ຫກປຊ ​ໄດ້​ສະ​ແດງ​ຄວາມ​ຂອບ​ໃຈ​ນຳ​ບັນດາ​ຄະນະ​ນຳ ​ແລະ ​ໂຮງໝໍ​ຄູ່​ສັນຍາ​, ຍາມ​ໃດ​ກໍ່​ໄດ້​ເອົາ​ໃຈ​ໃສ່​ຊີ້​ນຳໆ ພາພ້ອມ​ດ້ວຍປະຕິບັດ​ວຽກ​ງານ​ການ​ປິ່ນປົວ​ໃຫ້ຜູ້​ປະກັນ​ຕົນ ​ແລະ ສະມາຊິກ​ຄອບຄົວ​ຂອງ​ເຂົາ​ເຈົ້າ​ໄດ້​ດີ​ຕະຫຼອດມາ, ວຽກ​ງານ​ການ​ປິ່ນ​ປົວ​ສຸຂະພາບ​ນີ້​ທັງ​ສອງ​ພາກສ່ວນ​ກໍ່​ຄື​ໂຮງໝໍ ​ແລະ ຫກປຊ ຕ້ອງ​ໄດ້​ພັດທະນາ​ໃຫ້​ເປັນ​ທີ່​ເພິ່ງ​ພໍ​ໃຈ​​​ແກ່ສະ​ມາ​ສິກຜູ້​ທີ່​ມາ​ຮັບ​ການ​ບໍລິການ​ປິ່ນປົວ​ໃຫ້​ດີ​ຂື້ນ​ເທື່ອ​ລະ​ກ້າວ. ສັນຍາ​ສະບັບ​ດັ່ງກ່າວ​ແມ່ນ​ມີ​ກຳນົດ 1ປີ ​ແລະ ມີ​ຜົນ​ບັງຄັບ​ໃຊ້ເລື້ມ​ແຕ່​​ເດືອນ ຕຸລາ 2015 ຫາເດືອນ ກັນຍາ 2016.