ກວດຂໍ້ມູນຜູ້ເກີດສິດ

        ສຳລັບກວດ         ຂໍ້ມູນຜູ້ເກີດສິດປິ່ນປົວ ໂຮງໝໍທີ່ເລືອກ, ຊື ແລະ ສຳມະຊິກຄອບຄົວ ຕາມເລກລະຫັດບັດປະກັນສັງຄົມ


ຂໍ້ມູນ ອັບເດດ ວັນທີ 29/05/2017 ເວລາ 15:07 ສຳລັບພາກວິສະຫະກິດ ອັບເດດ ອາທິດລະຄັ້ງ
ຂໍ້ມູນ ອັບເດດ ວັນທີ 01/05/2017ເວລາ 09:25 ສຳລັບພາກລັດ ອັບເດດ ເດືອນລະຄັ້ງ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

3.) ການ​ອຸດ​ໜູນອອກ​ລູກ ຫຼື ຫຼຸ​ລູກ

  • ເງື່ອນ​ໄຂ ການ​ເກີດສິດ:

- ຖອກເງິນສົມທົບ​ເຂົ້າ​ກອງ​ທຶນແຕ່ 6 ເດືອນຂຶ້ນ​ໄປ​ໃນ​ໄລຍະ 12​ ເດືອນ​ສຸດ​ທ້າຍ;

- ອອກລູກ, ຫຼຸ​ລູກ ຫຼື ລູກ​ຕາຍ​ໃນ​ທ້ອງ ຫຼັງ​ຈາກ​ຖືພາ​ບໍ່​ຕ່ຳ​ກວ່າ 3 ເດືອນ.

  • ຜົນ​ປະ​ໂຫຍ​ດ  ຫຼື ການ​ອຸດ​ໜູນ:

- ​ຜູ້​ປະກັນ​ຕົນ​ເພດ​ຍິງ ຫຼື ເມຍ​ຜູ້​ປະກັນ​ຕົນ ທີ່​ບໍ່ໄດ້​ປະກອບ​ອາຊີບ​ໃດ​ໜຶ່ງ​ຈະໄດ້​ຮັບເງິນບຳເນັດ ອອກລູກ ຫຼື ຫຼຸ​ລູກ​ ເທົ່າກັບ 60% ຂອງ​​ເງິນເດືອນ​ປະກັນ​ຕົນສະ​ເລ່ຍ​ໃນ​ໄລຍະ 6 ເດືອນສຸດ​ທ້າຍ​ຕໍ່​ລູກ 1​ ຄົນ;

- ໃນ​ໄລຍະ​ຜູ້​ປະກັນ​ຕົນ​ເພດ​ຍິງ​ໄດ້ພັກວຽກ ຍ້ອນການອອກລູກ ຫຼື ຫຼຸ​ລູກ ເພື່ອຟື້ນຟູສຸຂະພາບ ກໍຈະໄດ້ຮັບ ເງິນອຸດໜູນອອກລູກ ຫຼື ຫຼຸ​ລູກ​ເປັນ​ລາຍ​ເດືອນ ເທົ່າກັບ 80% ຂອງເງິນເດືອນປະກັນຕົນສະ​ເລ່ຍ​ໃນ​ໄລຍະ 6 ເດືອນສຸດ​ທ້າຍ, ສູງສຸດບໍ່ເກີນ 105 ວັນ ຫຼື ຖ້າ​ອອກລູກ​ຝາ​ແຝດ​ແມ່ນ​ບໍ່​ເກີນ 120 ວັນ. ຫລັງຈາກນັ້ນ, ຖ້າ​ສຸຂະພາບຍັງ​ອ່ອນ​ເພຍ ຜູ້ກ່ຽວກໍຕ້ອງ​ໄປ​ກວດ ​ແລະ ຮັບ​ການ​ປະ​ເມີນ​ສຸຂະພາບທາງ​ດ້ານ​ການ​ແພດຄືນ ເພື່ອຮັບ​ເງິນອຸດໜູນປ່ວຍການ ຫຼື ​ອຸດ​ໜູນ​ເສຍ​ອົງຄະ​ ຕາມ​ລະບຽບ​ການ.

​ ​

ເອກະສານ ທີ່ຕ້ອງໄດ້ປະກອບ

1. ໃບຢັ້ງຢືນການອອກລູກ ຈາກໂຮງໝໍ ຫຼື ຈາກອຳນາດການປົກຄອງບ້ານ ບ່ອນທີ່ເດັກເກີດ ຫຼື ໃບຢັ້ງຢືນ ພະຍາດຈາກແພດປີ່ນປົວ;

2.  ອັດສຳເນົາບັດປະກັນສັງຄົມ;

3.  ຖ້າແມ່ນເມຍຂອງຜູ້ປະກັນຕົນໃຫ້ສຳເນົາເອກະສານໃດໜຶ່ງຄັດຕິດເປັນຕົ້ນ: ສຳມະໂນຄົວ, ທະບຽນສົມລົດ, ບົດບັນທຶກການສູ່ຂໍ ຫຼື ໜັງສືທາງການອື່ນໆ;

4. ຖ້າ​ໃຫ້ຜູ້ຕາງໜ້າ ຍື່ນແບບຂໍຮັບເງິນອຸດໜູນແທນນັ້ນຕ້ອງອັດສຳເນົາບັດປະຈຳຕົວ ຫຼື ເອກະສານ ທາງ​ການ​ໃດ​ໜຶ່ງ.