ຊອກຜູ້ເກີດສິດ

ກະລຸນາປ້ອນລະຫັດປະກັນສັງຄົມ
ເພື່ອກວດສອບສິດໃນການປິນປົວຂອງທ່ານ ແລະ ຄອບຄົວ ແລະໂຮງໝໍທີ່ທ່ານເລືອກໃນການປິ່ນປົວ

ໝາຍເຫດ
: ຂໍ້ມູນພາກລັດ ແລະ ພາກວິສະຫະກິດ ແມ່ນອັບເດດອາທິດຕໍ່ຄັ້ງ
ກະລຸນາກວດເບິ່ງວັນທີລຸ່ມນີ້:


ຂໍ້ມູນຜູ້ເກີດສິດພາກລັດອັບເດດ ຫຼ້າສຸດ ວັນທີ 16/07/2018 ເວລາ 13:15


ຂໍ້ມູນຜູ້ເກີດສິດພາກວິສະຫະກິດອັບເດດ ຫຼ້າສຸດ ວັນທີ 16/07/2018 ເວລາ 13:56

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045ຂໍຂອບໃຈ!

ຄະນະຜູ້ແທນປະກັນສັງຄົມ ສສ ຫວຽດນາມ ຢ້ຽມຢາມ ຫກປຊ

alt

ໃນ​ຕອນ​ເຊົ້າ​ຂອງ​ ວັນ​ທີ 06 ກໍລະກົດ 2015, ຢູ່​ທີ່​ຫ້ອງ​ປະຊຸມ ຫ້ອງການ​ປະກັນ​ສັງຄົມ​ແຫ່ງ​ຊາດ ​ໄດ້​ມີ​ພິທີຕ້ອນຮັບ​ຜູ້​ແທນປະກັນ​ສັງຄົມ ຈາກປະ​ເທດ​ຫວຽດນາມ ທີ່​ໄດ້​ມາ​ຢ້ຽມຢາມ ​ແລະ ​ແລກປ່ຽນ​ບົດຮຽນຮ່ວມ​ກັບ​ຫ້ອງການ​ກອງ​ທຶນ​ປະກັນ​ສັງຄົມ​ແຫ່ງ​ຊາດ.



ຕາງໜ້າ​ຝ່າຍ​ລາວໃນ​ການ​ຕ້ອນຮັບ​ຜູ້​ແທນ​ຄັ້ງ​ນີ້ໂດຍແມ່ນທ່ານ ປະ​ເດີມພອນ ສົນ​ທະນີ ຜູ່​ອຳນວຍ​ການ ຫ້ອງການ​ກອງ​ທຶນ​ປະກັນ​ສັງຄົມ​ແຫ່ງ​ຊາດ, ມິຄະ​ນະ​ອຳນວຍ​ການ, ຫົວໜ້າພະ​ແນ​ກການ ​ແລະ ວິຊາ​ການອີກຈຳ​ນວນ​ໜຶ່ງ. ຕາງໜ້າຜູ້​ແທນປະກັນ​ສັງຄົມ​ຫວຽດນາມ​ມີ ທ່ານ ນ. ​ໂດທິຊວນ ​ເຟືອງ (Do Thi Xuan Phuong) ຮອງ​ຜູ່ອຳນວຍການ​ໃຫຍ່ ອົງການ​ປະກັນ​ສັງຄົມແຫ່ງ ສສ ຫວຽດນາມ, ພ້ອມ​ດ້ວຍ​ຄະນະລວມ 6 ທ່ານ.

ການ​ມາ​ຢ້ຽມຢາມຂອງ​ອົງການ​ປະກັນ​ສັງຄົມ​ຫວຽດນາມ ​ໃນ​ຄັ້ງ​ນີ້​ແມ່ນອີງ​ຕາມ​ການ​ເຊື້ອ​ເຊີນ​ຂອງ​ຜູ່​ອຳນວຍ​ການ ຫກປຊ ​ ເພື່ອ​​ເປັນ​ການສືບ​ຕໍ່ເພີ່ມ​ທະວີ​ສາຍ​ພົວພັນ​ຮ່ວມ​ມື​ອັນ​ດີງາມຂອງ​ສອງ​ຊາດ ລາວ-ຫວຽດນາມ ​ເວົ້າລວມ, ​ເວົ້າ​ສະ​ເພາະ​ກໍ່​ຄື​ສອງ​ອົງການ​ ​ເພື່ອ​ປຶກສາ​ຫາລື ​ແລະ ແລກປ່ຽນ​ບົດຮຽນ​ໃນ​ການ​ປະຕິບັດ​ວຽກ​ງານ​ປະກັນ​ສັງຄົມໃນ​ນີ້ທ່ານ ປະ​ເດີມ​ພອນ ສົນ​ທະນີ ຜູ່​ອຳນວຍ​ການ ຫກປຊ ​ໄດ້​ລາຍ​ງານ​ໂດຍ​ຫຍໍ້​ກ່ຽວ​ກັບ​ສະພາບ​ລວມ, ການ​ຄຸ້ມ​ຄອງ​ບໍລິຫານ​-ຈັດ​ຕັ້ງ ​ແລະ ວຽກ​ງານ​ວິຊາ​ສະ​ເພາະ ຕໍ່​ກັບ​ຝ່າຍ​ປະກັນ​ສັງຄົມ​ຫວຽດນາມ, ໂດຍສະ​ເພາະ​ແມ່ນ​ການ​ໂຮມ​ໂຕ​​ສອງ​ລະບົບ ​ຂອງອົງການ​ປະກັນ​ສັງຄົມ​ແຫ່ງ​ລັດ (ອປລ) ​ແລະ ອົງການ​ປະກັນ​ສັງຄົມພາກ​ວິ​ສາ​ຫະກິດ (ອປສ) ມາເປັນຫ້ອງ ການ​ກອງ​ທຶນ​ປະກັນ​ສັງຄົມ​ແຫ່ງ​ຊາດ (ຫກປຊ) ​​ໂດຍການຈັດ​ຕັ້ງ​ປະຕິບັດ​ຕາມກົດໝາຍ​ວ່າ​ດ້ວຍ​ການປະກັນ​ສັງຄົມ. ຈາກ​ນັ້ນທາງ​ປະກັນ​ສັງຄົມ​ຫວຽດນາມ​ໄດ້​ລາຍ​ງານ​ຕໍ່​ທີ່​ປະຊຸມກ່ຽວ​ກັບ​ການຈັດ​ຕັ້ງ​ປະຕິບັດ​ວຽກ​ງານ​ປະກັນ​ສັງຄົມ ​ໂດຍ​ສະ​ເພາະ​ການ​ຄຸ້ມ​ຄອງ​ກອງ​ທຶນ ​ແລະ ວຽກ​ງານ​ວິຊາ​ສະ​ເພາະເປັນ​ຕົ້ນ​ແມ່ນ​ການ​ອຸດ​ໜູນ​ວ່າງ​ງານ ​ແລະ ຜູ້​ປະກັນ​ຕົນ​ສະໝັກ​ໃຈ ຊຶ່ງ​ເຫັນ​ວ່າ​ຍັງ​ເປັນ​ສິ່ງ​ທີ່​ທ້າ​ທ້າຍ ​ເພາະວ່າ​ຕົວ​ເລກ​ການ​ເຂົ້າ​ຮ່ວມ​ແບບ​ສະມັກ​ໃຈຍັງ​ກວມ​ອັດຕາ​ສ່ວນ​ຕ່ຳ, ສະ​ນັ້ນວຽກ​ງານ​ປະຊາສຳພັນ​ເປັນ​ອີກ​ວຽກ​ໜຶ່ງ​ທີ່​ຕ້ອງ​ໄດ້​ເອົາ​ໃຈ​ໃສ່ ຈາກ​ນັ້ນກໍ່​ໄດ້​ມີ​ການ​ແລກປ່ຽນ​ຄຳ​ຄິດ​ຄຳ​ເຫັນລະຫວ່າງ 2 ອົງການ, ​​ເຊິ່ງບັນຫາທີ່ໄດ້ຍົກຂຶ້ນມາສົນທະນາ ປຶກສາຫາລືໃນກອງປະຊຸມສອງຝ່າຍແມ່ນການປະຕິບັດວຽກງານອຸດໜູນ ວ່າງງານ, ການຈັດ​ຕັ້ງ​ປະຕິບັດຕໍ່ຜູ້ປະກັນຕົນສະໝັກໃຈ ຄ່ຽງຄູ່ກັບວຽກງານວິຊາສະເພາະ, ​ອີກ​ບັນຫາ​ສຳຄັນ​ແມ່ນ​ການ​ພັດທະນາທາງດ້ານບຸກ ຄະລາກອນ ເປັນຕົ້ນແມ່ນການສ້າງປະສົບການ ຫຼື ຜູ້ຊ່ຽວຊານດ້ານການຄໍານວນຄະນິດສາດປະກັນໄພໃນແຕ່ລະໄລຍະ ແລະ ດ້ານອື່ນໆ...

ກອງ​ປະຊຸມ​ຄັ້ງ​ນີ້​ທັງ​ສອງ​ຝ່າຍ​ໄດ້​ເປັນ​ເອກະ​ພາບ​ກັນ, ຈະ​ນຳ​ເອົາເນື້ອໃນຈິດໃຈຂອງກອງປະຊຸມ ລາຍງານຕໍ່ຄະນະນໍາຂອງທັງສອງຝ່າຍ ​ເພື່ອ​ສ້າງ​ແຜນ​ຮ່ວມ​ມື​ໄລຍະ 5 ປີ (​ແຕ່​ນີ້​ຮອດ​ປີ 2020) ​ໂດຍໃຫ້ມີແຜນລະອຽດໃນແຕ່ລະປີ, ຊຶ່ງ​ແຜນການ​ຮ່ວມ​ມື​ດັ່ງກ່າວ​ແມ່ນ​ຈະ​ໄດ້​ລົງ​ນາມຮ່ວມ​ກັນ​ໃນ​ໄວໆ​ນີ້.