ກວດຂໍ້ມູນຜູ້ເກີດສິດ

ກວດຂໍ້ມູນຜູ້ເກີດສິດ

ປິ່ນປົວຢູ່ໂຮງໝໍ, ພ້ອມຄອບຄົວ

ຕາມເລກລະຫັດບັດປະກັນສັງຄົມ


ຂໍ້ມູນອັບເດດ ວັນທີ 15/01/2018 ເວລາ 

11:32 ສຳລັບພາກວິສະຫະກິດ

ອາທິດລະຄັ້ງ


ຂໍ້ມູນອັບເດດ ວັນທີ 15/01/2018 ເວລາ 

15:06 ສຳລັບພາກລັດ ອາທິດລະຄັ້ງ


ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

ປະຊາສຳພັນ

ເຊີນທ່ານຕິດຕາມຮັບຟັງລາຍການ "ປະກັນສັງຄົມ" FM 103.7 MHz ວັນອັງຄານ, ພະຫັດເວລາ 18:00-18:30 ແລະ FM 105.5 MHz ວັນເສົາ-ອາທິດ ເວລາ 8:00-9:00 ແລະ ຕິດຕາມ ອ່ານຄໍລ້ຳ ປະກັນສັງຄົມ ທາງໜ້າ ນສພ ປະຊາຊົນ
ຫຼື
ສອບຖາມ ຂໍ້ມູນເພີ່ມເຕີມໄດ້ທີ່:
021 225 045
ຂໍຂອບໃຈ!

ພິທີມອບຮັບຜູ້ອຳນວຍການລະຫວ່າງ ອປລ, ອປສ ແລະ ຫ້ອງການກອງທຶນປະກັນສັງຄົມແຫ່ງຊາດ

alt
ຕອນ​ແລງ​ຂອງ​ວັນ​ທີ 07 ມັງກອນ 2015 ຢູ່​ທີ່​ຮ້ານ​ອາຫານ​ຫຼັກ 04 ​ບ້ານ​ທ່າ​ພະ​ລານ​ໄຊ, ເມືອງສີ​ສັດຕະ​ນາກ ນະຄອນຫຼວງ​ວຽງ​ຈັນ ​ໄດ້​ມີ​ພິທີ​ມອບ​ຮັບ​ຜູ້ອຳນວຍ ການ​ລະຫວ່າງ ອປລ, ອປສ ​ແລະ ຫ້ອງການ​ກອງ​ທືນປະກັນສັງຄົມແຫ່ງ​ຊາດ.

ໃຫ້​ກຽດ​ເຂົ້າ​ຮ່ວມ​ພິທີ​ໃນ​ຄັ້ງ​ນີ້​ມີທ່ານ ວິ​ໄຊ ບັນດານຸ​ວົງ ລັດຖະມົນຕີ​ຊ່ວຍວ່າການກະຊວງ ພາຍ​ໃນ, ພ້ອມ​ດ້ວຍຄະນະ​ກຳມະການ​ສະພາ​ບໍລິຫານ​​ກອງ​ທຶນ​ປະກັນ​ສັງຄົມ​ແຫ່ງ​ຊາດ, ຫົວໜ້າ​ກົມ, ຮອງ​ຫົວໜ້າ​ກົມ ອ້ອມ​ຂ້າງກະຊວງ ຮສສ, ​ພະນັກງານ​ວິຊາ​ການ ອປລ, ອປສ, ສື່​ມວນ​ຊົນ ​ແລະ ​ແຂກ​ທີ່​ຖືກ​ເຊີນ​ຈາກ​ພາຍ​ນອກເຂົ້າ​ຮ່ວມ​ທັງ​ໝົດ 120 ກວ່າຄົນ.

​​ພາຍຫຼັງ​ຄະນະ​ຈັດ​ຕັ້ງ​ໄດ້​ກ່າວ​ຈຸດປະສົງ​ ​ແລະ ສະ​ເໜີ​ແຂກ​ແລ້ວ​ຜູ້ອຳນວຍການ ອປລ ​ແລະ ອປສ ​ໄດ້ຂື້ນ​ລາຍ​ງານ​ການຈັດ​ຕັ້ງ​ປະຕິບັດ​ວຽກ​ງານຂອງ​ສອງ​ອົງການ​ຜ່ານ​ມາໂດຍ​ຫຍໍ້, ຈາກ​ນັ້ນ​ກໍ່​ໄດ້​ມີ​ພິທີ​ເຊັນ​ມອບ​ຮັບ​ໜ້າ​ທີ່​ລະ​ຫວ່າງ​ທ່ານ ຄຳ​ພວງ ອິນທະ​ແສງ ຜູ້ອຳນວຍການ​ອົງການ​ປະກັນ​ສັງຄົມ​ແຫ່ງ​ລັດ, ທ່ານ ປະສົງ ວົງ​ຄຳ​ຈັນ ຜູ້ອໍານວຍການ​ອົງການ​ປະກັນ​ສັງຄົມພາກວິ​ສາ​ຫະກິດ​ຜູ້​ເກົ່າ ​ແລະ ທ່ານ ປະ​ເດີມ​ພອນ ສົນ​ທະນີ ຜູ້ອຳນວຍການ ຫ້ອງການ​ກອງ​ທຶນ​ປະກັນ​ສັງຄົມ​ແຫ່ງ​ຊາດ. ຫ້ອງການ​ກອງ​ທຶນ​ປະກັນ​ສັງຄົມ​ແຫ່ງ​ຊາດ​ຂຽນ​ເປັນ​ຕົວ​ອັກສອນ​ຫຍໍ້​ວ່າ “ຫກປຊ” ເປັນ​ຫົວໜ່ວຍ​ວິຊາ​ການ​ລະດັບ​ໜຶ່ງຂຶ້ນກັບ​ກະຊວງ​ແຮງ​ງານ ແລະ ​ສະຫວັດດີ​ການ​ສັງຄົມ, ຊຶ່ງ​ມີ​ພາລະ​ບົດບາດ​ເປັນ​ເສນາ​ທິການ​ໃຫ້​ແກ່​ຄະນະ​ສະພາ​ບໍລິຫານ​ກອງ​ທຶນ​ປະກັນ​ສັງຄົມ​ແຫ່ງ​ຊາດ ​ແລະ ພາຍ​ໃຕ້​ການ​ຊີ້​ນຳ​ຂອງລັດຖະມົນຕີ​ວ່າການກະຊວງ​ແຮງ​ງານ ​ແລະ ​ສະຫວັດດີ​ການ​ສັງຄົມ. ກອງ​ທຶນ​ປະກັນ​ສັງຄົມ​ແຫ່ງ​ຊາດ​ (ກປຊ) ​ແມ່ນ​ການໂຮມ​ເອົາລະບົບ​ປະກັນ​ສັງຄົມ​​ພາກ​ລັດຖະກອນ ​ແລະ ພາກວິສາຫະກິດເຂົ້າກັນ ເພື່ອ​ເຮັດໃຫ້ກອງທຶນດັ່ງກ່າວເຕີບໃຫຍ່ຂະຫຍາຍຕົວ, ມີຄວາມເຂັ້ມແຂງທາງດ້ານແຫຼ່ງເງິນ ແລະ ​ເປັນ​ການສົ່ງເສີມການລົງທຶນທີ່​ຈະ​ເຮັດ​ໃຫ້ສະ ຖານະພາບທາງ​ດ້ານການເງິນມີ​ຄວາມ​ໝັ້ນຄົງ ​ແລະ ຍືນ​ຍົງຍິ່ງ​ຂຶ້ນເພື່ອສາມາດ​ຮັບປະກັນການສະໜອງ​ເງິນ​ອຸດ​ໜູນປະກັນສັງຄົມ ໃນກໍລະນີ​ຜູ້​ປະກັນ​ຕົນ ຫຼື ສະມາຊິກຄອບຄົວເກີດ​ເຫດການ​ໃດ​ໜຶ່ງ ທີ່​ພາ​ໃຫ້ມີຄວາມ​ສ່ຽງ​ຕໍ່​ການ​ມີ​ລາຍ​ຈ່າຍ​ເພີ່ມ ​ແລະ ​ໃນ​ເວລາ​ຂາດ​ລາຍ​ຮັບ​ເຊັ່ນ: ປິ່ນປົວ ສຸຂະພາບ​ໃນ​ເວລາ​ເຈັບ​ປ່ວຍ, ອຸດ​ໜູນ​ປ່ວຍການ​ໃນ​ເວລາ​ພັກ​ວຽກ​ຍ້ອນ​ການເຈັບ​ປ່ວຍ, ອອກລູກ ຫຼື ຫຼຸລູກ, ປະສົບອຸປະຕິເຫດແຮງງານ, ​ເປັນ ພະຍາດອາຊີບ ຫຼື ປະສົບ​ອຸປະຕິ​ເຫດ​ອື່ນທີ່​ເຮັດ​ໃຫ້​ມີ​ການເສຍກຳລັງແຮງງານ ຫຼື ເສຍອົງຄະ, ​ວ່າງງານ, ບຳນານ, ເສຍຊີວິດ ​ແລະ ອຸດໜູນ ສະມາຊິກຄອບຄົວຂອງ​ຜູ້ເສຍ​ຊີວິດ. ກົດໝາຍ​ວ່າ​ດ້ວຍ​ການ​ປະກັນ​ສັງຄົມ ​ສະບັບເລກທີ 34/ສພຊ, ລົງ​ວັນ​ທີ 26 ກໍລະກົດ 2013 ໄດ້​ເລີ່ມຈັດ ຕັ້ງປະຕິບັດ​​ເດືອນ ຕຸລາ 2014 ເປັນຕົ້ນ​ມາ,ໂດຍປະຕິບັດ​ຕາມຄຳ​ແນະນຳຂອງລັດຖະມົນຕີ​ວ່າການ​ກະຊວງ​ແຮງ​ງານ ແລະ ສະຫວັດດີການ​ສັງຄົມ​ ສະບັບ​ເລກທີ​ 2434/ຮສສ, ລົງ​ວັນ​ທີ 29 ກໍ​ລະ​ກົດ 2014 ກ່ຽວ​ກັບ​ການຈັດຕັ້ງປະຕິບັດ​ກົດໝາຍສະບັບ​ດັ່ງກ່າວ.