ໃນຕອນເຊົ້າຂອງວັນທີ 29 ພຶດສະພາ 2023 ທີ່ຫ້ອງປະຊຸມໃຫຍ່ ກະຊວງແຮງງານ ແລະ ສະຫວັດດີການສັງຄົມ (ຮສສ), ຕາງໜ້າໜ່ວຍຊາວໜຸ່ມ ອົງການປະກັນສັງຄົມແຫ່ງຊາດ ໄດ້ເຂົ້າຮ່ວມພິທີປະຖະກະຖາຫວນຄືນມູນເຊື້ອ ແຫ່ງການສ້າງຕັ້ງຊາວໜຸ່ມປະຊາຊົນປະຕິວັດລາວຄົບຮອບ 68 ປີ ແລະ ການມອບຫຼຽນກາລະນຶກ 65 ປີ ວັນສ້າງຕັ້ງຄະນະຊາວໜຸ່ມປະຊາຊົນປະຕິວັດລາວ ໂດຍການເປັນປະທານຮ່ວມຂອງ ທ່ານ ປະດີມພອນ ສົນທະນີ ຮອງເລຂາຄະນະພັກກະຊວງ, ຮອງລັດຖະມົນຕີກະຊວງ ຮສສ ແລະ ທັງເປັນຜູ້ຊີ້ນໍາວຽກງານອົງການຈັດຕັ້ງມະຫາຊົນ ແລະ ໃຫ້ກຽດເຜີຍແຜ່ມູນເຊື້ອ ໂດຍ ທ່ານ ມອນໄຊ ລາວມົວຊົງ, ເລຂາຄະນະບໍລິຫານງານສູນກາງຊາວໜຸ່ມ ປະຊາຊົນປະຕິວັດລາວ, ມີບັນດາຄະນະຄະນະບໍລິຫານງານຊາວໜຸ່ມກະຊວງ ຮສສ ພ້ອມດ້ວຍພະນັກງານຫຼັກແຫຼ່ງ ກໍຄື ສະມາຊິກຊາວໜຸ່ມ ທົ່ວກະຊວງ ຮສສ ເຂົ້າຮ່ວມຢ່າງພ້ອມພຽງ.
(ຄັດຈາກຂ່າວສານ: ຮສສ)