ໃນວັນທີ 03/03/2022 ໄດ້ມີການລົງເຜີຍແຜ່ວຽກງານປະກັນສັງຄົມ ໃຫ້ປະຊາຊົນເຂດເມືອງປາກງື່ມ, ໂດຍການເປັນປະທານຮ່ວມຂອງທ່ານ ກອງມີ ສີສະໝຸດ ຮອງເຈົ້າເມືອງ ເມືອງປາກງື່ມ ແລະ ທ່ານ ນາງ ບົວຫອມ ພົມມະຈັນ ຮອງຫົວໜ້າອົງການປະກັນສັງຄົມແຫ່ງຊາດ, ມີພະນັກງານຈາກຂະແໜງກະສິກໍາປ່າໄມ້ ເມືອງ, ພະແນກ ຮສສ ເມືອງ, ອໍານາດການປົກຄອງບ້ານ ແລະ ຜູ້ປະກອບອາຊີບປູກຜັກໃນກຸ່ມປູກຜັກກະເສດອິນຊີບ້ານທ່າຊ້າງ ເມືອງປາກງື່ມ ເຂົ້າຮ່ວມຮັບຟັງທັງໝົດ 46 ທ່ານ, ຍິງ 13 ທ່ານ.